AKALA KO IKAW NA!
ni:ara castillo
Noong una kang makita'y balewala talaga,
Di ikaw ang pinangarap na aking makasama,
Ngunit sa tiyaga mo at iyong pinakita,
Kung pano akong ituring sa'yo'y napakahalaga.
Di ka naman sadyang mahirap mahalin,
Lalo't katapata'y pinadama sa akin,
Takot man ang pusong muling paluhain,
Nahulog ang loob,ikaw'y minahal rin.
Nangakong hanggang wakas ako'y iibigin,
Ibibigay lahat ng aking naisin,
Paghihirap ng puso'y di ko dadanasin,
Sana'y wag kang magbago,aking panalangin.
Sa paglipas ng araw tayo'y kaysaya,
Ikaw at ako wala na ngang iba,
Kahit ano pa ang sabihin nga nila,
Sa'yo daw di liligaya,luluha daw anila.
May ugaling mainisin kaydali mong magalit,
Di dapat gawin ito,sadya bang kayhigpit,
Dahil sa mahal kita lahat aking tiniis,
Kahit lahat sa atin,umaayaw paulit-ulit.
Hindi man ikaw ang perpektong lalaki,
Mga sinasabi nila'y di ko iniintindi,
Basta't mahal kita yun ang importante,
Ipinaglaban kita kahit gaano sila karami.
Ngunit isang araw bigla kang nawala,
Ngiti sa labi ko'y napalitan nga ng luha,
Ba't biglang nagbago ano ang nagawa?
Di nagparamdam naglahong parang bula.
Labis na tamis sa una'y nakamit,
Wakas pala nito'y walang kasing pait,
Kailan magagawa ikaw ay iwaglit,
Narito ka sa puso ko habang pumipintig.
Bukas ang pintuan sa iyong pagdating,
Kahit kailan aking hihintayin,
Ang iyong paglisan di malinaw sa akin,
Tapat kong pagtingin,tinangay lang ng hangin.
Di na nga sana kita ay nakilala,
Di na nga sana sa'yo nahulog pa,
Tahimik kong puso'y niligalig inabala,
Pagmamahal ang kapalit ay luha at dusa.
Akala ko ikaw na aking makakasama,
Ikaw pala ay bulaan na katulad ng iba,
Akala ko ikaw na sa hirap at ginhawa,
Akala ko ikaw na...kayhirap ng umasa!
♥POKNAT♥
Dec.02,2011
11:46PM PHL
aking mga nalikha...may kasamang luha..ngunit dito nagsimula....na ako'y makakatha;buhat sa pag-ibig na nawala...di ko alam kung muli pang magtitiwala...kaya't itong pahina..para sa mga nangungulila..naniniwala..umiibig at patuloy na umiibig....at mga nakararanas na masaktan at lumuha. masarap magmahal kahit nasasaktan...ito ang pakiramdam na hindi mabibili at matutumbasanng kahit na anong kayamanan.ito ang kaligayahan na nagmumula sa puso.. ng taong minamahal at nagmamahal.....poknat♥
lahat ng sakit akin ng naranasan;
kulang pa ba para patunayan?
tunay at di kasinungalingan;
na kahit tayo'y magkalayo man;
at dagat pa ang ating pagitan;
walang ipinalit na sinuman;
tanging ikaw lang,sana'y paniwalaan;
hanggang saan iyong susubukan;
itong puso kong tapat sayo lang iniaalay.
kung ito man ang yong kagustuhan;
lahat ng sakit pagtitiisan;
tanging ikaw lang di maturuan;
ang puso kong ika'y kalimutan.
kahit anong gawin tanging ikaw lamang;
maghihintay ako..mahal kang lubusan.
tunay na pagmamahal handang magtiis...
ngunit hindi kaya ito'y mali na at labis?
maghintay ng kahit gaano katagal....
gayong baka ang yong hinihintay may iba ng mahal?
bat hindi na lang sabihin at ng makalaya naman...
nang hindi nahihirapan at patuloy na nasasaktan!!!
PARA SA LALAKING LABIS KONG MINAHAL....
KAY MR.J.N NG PANGASINAN(desperado)
HINDI MAN TAYO ANG MAGKATULUYAN..
SA BUHAY KONG ITO HINDI KA MAKAKALIMUTAN..
ALA-ALA MO'Y TATAGLAYIN HABANG NABUBUHAY...SALAMAT SA MGA ORAS NA AKO'Y IYONG MINAHAL,SA MGA PAGLUHA NA IDINULOT MO AT NAGBIGAY NG ARAL.SA ISANG KAHAPON NA NAGING ISANG BAHAGI NA NG AKING BUHAY...SALAMAT SA ALA-ALA!!♥♥♥POKNAT♥♥♥
No comments:
Post a Comment