UMIIYAK KA NA NAMAN

UMIIYAK KA NANAMAN
ni:ara castillo

Umiiyak ka nanaman,
Sabi mo di ka na masasaktan,
Bakit ngayon heto ka nanaman,
lumuluha..na siya ang dahilan.

Bakit kasi ayaw mong pakinggan?
Ibaling sa akin..pag-ibig mo'y inaasam,
Pangakong hinding-hindi ka sasaktan,
Hindi ka iiyak sa piling ko,kahit minsan.

Hindi mo ba kayang puso ay turuan?
Bakit di subukan,wala ka bang kapaguran?
Labis na pagluha'y bakit pinagtitiisan,
Iyan ba ang kahulugan sa'yo ng pagmamahal?

Asahan mong lahat ay aking gagawin,
Lahat ng gusto mo ay aking susundin,
Makamit ko lamang iyong pagtingin,
Lumuha kang muli'y hindi mo daranasin.

Kung pwedeng sa kanya'y ikaw aking agawin,
Na parang isang bagay na pwedeng nakawin,
Kasalanan mang mortal kung ito ay ituring,
Hwag ko lamang makita muli ka nyang paluhain.

Nabigo ka nanaman sa iyong kasuyo,
Heto ka umiiyak puso ay nagdurugo,
Nadala ka na naman sa huwad na pangako,
Bat di mo magawa,ipalit ako sa iyong puso?

Ang isang katulad niya'y di dapat iyakan,
Narito naman ako sa iyo'y nagmamahal,
Di ko hinihiling pag-ibig ko ay suklian,
Umiyak kang paulit-ulit ako ang nahihirapan.

Ngunit ang yong puso'y bihag ng salawahan,
Tatanggapin pagkatalo,maluwag sa kalooban,
Di mo man tumbasan alay kong pagmamahal,
Narito pa rin ako bilang iyong kaibigan.

Tanging ninanais iyong kaligayahan,
Mga paghihirap mo'y nais kong matuldukan,
Tunay na pag-ibig iyo sanang masumpungan,
Hwag na sanang maulit..umiyak ka na naman.

oct.26,2011

IKAW NA LANG ANG KULANG♥♥♥

IKAW NA LANG ANG KULANG♥♥♥
ni:ms.ara castillo

Mundo kong inakalang wasak at sira na,
Lugmok sa kalungkutan,wala na rin ang pag-asa,
nagdilim ang paligid,dating kulay naglaho pa,
ito'y naramdaman mula ng nawala ka.

Ikaw ang dahilan ng aking kasiyahan,
ikaw din ang nagbigay labis kong kalungkutan,
mga pagbabago mong di alam ang dahilan,
ano pa ba ang nais..at aking papatunayan.

Papatunayan nitong puso kung gaano kita kamahal,
pagmamahal ko sayo'y wala ngang sukatan,
dahil dito sa puso ko'y tanging ikaw lamang,
Iibigin pa rin kita mundo man ay magunaw.

Karugtong ng puso ko't aking katuwaan,
pag di ka natanaw dulot ay kalungkutan,
sa sandaling kausap ka labis ang kasiyahan,
kung sana'y narito ka at aking abot tanaw.

Tanging pangarap ko'y ang ikaw'y makasama.,
paglilingkuran ka sa abot ng makakaya,
di papayagang sa akin muling mawalay pa,
ipadarama ko sa'yo kung gaano ka kahalaga.

Sa buhay na ito'y wala ng ninanais pa,
kundi ang mayakap at makapiling ka sana,
laging idinadasal at isinasamo sa KANYA,
dumating na ang araw na ikaw ay makasama.

Laman ng panaginip at aking pangarap,
di maipaliwanag idinudulot mong galak,
kung kaya ko lang sanang ang oras ay mahatak,
ginawa ko na sana upang ikaw ay mayakap.

Ang makapiling ka'y tangi kong inaasam,
yaring pag-ibig mo'y itinuring na kayamanan,
Di ko kailangan anumang luho't kalayawan,
sa buhay kong ito'y IKAW NA LANG ANG KULANG!

♥poknat♥
Oct.06,2011

BAHAY KUBO NG BUHAY KO

BAHAY KUBO NG BUHAY KO
ni:ara castillo

I
Tao po!tao po!pwede po bang makituloy?
O kaya ay manghingi kaunting maiinom.,
mayroon akong tirahan ngunit walang bubong;
kung inyong mamarapatin,pwede po bang makisilong?
II
Marami pong salamat sa inyong pagtanggap..
maaaring dito nga natagpuan hinahanap...
mga kaibigang tunay ang paglingap.....
sa dami ng nadaanan,puro pagpapanggap!!
III
Mga kaibigang ningas kugon lang lahat...
sa una'y kaytamis paglumaon na'y kay-alat...
abang puso ko'y isa lang ang hinahangad....
makatagpo ng tahanang ituturing kong pugad.
IV
kaya't sa pagliliwaliw nitong nalulumbay na damdamin...
natagpua't nadaanan isang tahanang walang dingding..
punong-puno ng kasayahan,payak man sa paningin...
tinanggap akong tunay...kapamilya ng ituring.
V
tahanang natagpua'y nagdulot ng galak....
tumatak sa isip ko at aking panulat...
sana nga dito na kaisipa'y mailagak...
nitong Binibining sa Nueva ecija nagbuhat.
VI
Maraming tahanan akin ng nasilungan...
pawang mga pader ang haligi't gawa sa bakalan...
Ngunit sa mga unos sadyang may kahinaan...
Tatag na ipinakikita puro paimbabaw.
VII
Yaring bahay kubo'y magsisilbing tahanan...
gawa man sa gamit na hindi kamahalan....
Taglay pagmamahalan ng mga naninirahan....
Poong lumikha ang sandigan,kaagapay sa unos na dadaan.

Sept.23.2011
ara/poknat

I LOVE YOU NA LANG SA TAGO

Tulaing pakiusap ni Arvin Gapasin
handog kay Bb.Maharlika

I LOVE YOU NA LANG SA TAGO!!
ni:ara castillo/poknat

Taglay mong kagandahan ang sa akin nga'y bumihag...
Mga ngiting taglay mo'y lagi kong hinahanap...
Walang kasingtamis...pisnging kulay rosas...
kailan mahahagkan..kailan mayayakap?

Kagandahang taglay mong sa isip nakapagkit....
hindi ko malimutan ..laman ng bawat panaginip....
Ngunit hanggang dun na lang aking makakamit....
Dahil sa 'yong pag-ibig mayron na ngang nakasungkit.

Kimkim na pagtingin kaytagal ng itinatago....
Kapag nakikita ka'y dibdib ko'y sumisikdo...
Sa galing mong kumatha lalo akong narahuyo...
taglay na paghanga sayo...nauwi sa pagsuyo.

Gayunmang ikaw nga ay mayroon ng minamahal....
Ngunit sa puso ko'y ikaw pa rin nakatanghal....
Baliw nga ba ako sa iyong pagmamahal....
O isang katangahang walang katuparan?

Tunay ngang pag-ibig bulag kung ituring....
Kahit pa ako'y masaktan lahat titiisin...
Dumating man ang araw ika'y kanyang paluhain...
Di magdadalawang salita kung ngalan ko ay tawagin.

Wala ngang pasubali ligaya mo'y tanging hangad..
Ika'y sinasaba at wala kang katulad....
Ako'y alipin mo di ko man maipahayag....
Puaso'y sa iyo lamang...magsisilbi mong bihag.

Kahit sabihin pang ako sa'yo;y bigo....
Pilit ka ngang susundan kahit saaan ka magtungo...
Malamang ok ka...kasiyahan na nitong puso...
Di mo man ito malaman..I love you na lang sa tago!

Sept.21,2011

LAGI MO NA LANG AKONG SINASAKTAN

LAGI MO NA LANG AKONG SINASAKTAN!!
ni:ara castillo/poknat

Ano nga ba ang sa akin tunay mong damdamin...
Laruan lang ba sa iyo at paiiyakin.....?
Bigla kang mawawala di man lang sabihin....
Ano nga ba talaga ang tutoong layunin.

Parang kailan lang kaylambing mo sa akin...
Na parang ibibigay lahat kong hilingin...
Ngunit biglang-bigla nagbago pagtingin....
Ano ang nagawa bat di mo sabihin?

Mawawala ka't sukat...di magpaparamdam....
Tapos isang araw bigla kang nandyan....
Ako'y kakausapin isusumbat mga paratang....
Magbabalik ka lang kung kailan maibigan.

Ako nga lang ba'y hindi na kailangan....
Naaawa ka lang ba o kaya'y napipilitan?
Bakit ka pa nagbabalik ano ang dahilan?
O nais mo lamang paghihirap ko ay dagdagan?

Dahil ba alam mong ikaw'y mahal na mahal?
Saktan ang puso ko'y walang pakundangan....
Sobrang pasakit na't bigat ng kalooban....
Kung ako sa 'yo ay wala na...ako ay tigilan.

H'wag naman ako'y paulit-ulit na saktan....
Puso ko'y durog na..wag mo ng apakan....
Durug -durog na piraso gusto mo pang dagdagan....
Ganyan ka ba talaga?walang kasiyahan?

Unti-unti na sanang ika'y nakakalimutan..
Ngunit sabi mo di ka nawala,ika'y nariyan lang....
Nagmamasid pinagmamasdan aking mga galaw....
Ngayon nasaan ka?muli akong iniwanan!

Labis na akong nasasaktan sa'yong ginagawa....
Bigla kang lilitaw..bigla ka ring mawawala...
pinaparamdam mo'y hindi na nakatutuwa....
Wag mo naman akong ituring na isang parang bata.

Paghihirap ng puso ko'y kailan wawakasan....
Mga pagluha ko'y kailan titigilan?
Mga salita mong puro kasinungalingan....
Itong puso ko'y lagi mong sinasaktan!!!

LAGI MO NA LANG AKONG SINASAKTAN

LAGI MO NA LANG AKONG SINASAKTAN!!
ni:ara castillo/poknat

Ano nga ba ang sa akin tunay mong damdamin...
Laruan lang ba sa iyo at paiiyakin.....?
Bigla kang mawawala di man lang sabihin....
Ano nga ba talaga ang tutoong layunin.

Parang kailan lang kaylambing mo sa akin...
Na parang ibibigay lahat kong hilingin...
Ngunit biglang-bigla nagbago pagtingin....
Ano ang nagawa bat di mo sabihin?

Mawawala ka't sukat...di magpaparamdam....
Tapos isang araw bigla kang nandyan....
Ako'y kakausapin isusumbat mga paratang....
Magbabalik ka lang kung kailan maibigan.

Ako nga lang ba'y hindi na kailangan....
Naaawa ka lang ba o kaya'y napipilitan?
Bakit ka pa nagbabalik ano ang dahilan?
O nais mo lamang paghihirap ko ay dagdagan?

Dahil ba alam mong ikaw'y mahal na mahal?
Saktan ang puso ko'y walang pakundangan....
Sobrang pasakit na't bigat ng kalooban....
Kung ako sa 'yo ay wala na...ako ay tigilan.

H'wag naman ako'y paulit-ulit na saktan....
Puso ko'y durog na..wag mo ng apakan....
Durug -durog na piraso gusto mo pang dagdagan....
Ganyan ka ba talaga?walang kasiyahan?

Unti-unti na sanang ika'y nakakalimutan..
Ngunit sabi mo di ka nawala,ika'y nariyan lang....
Nagmamasid pinagmamasdan aking mga galaw....
Ngayon nasaan ka?muli akong iniwanan!

Labis na akong nasasaktan sa'yong ginagawa....
Bigla kang lilitaw..bigla ka ring mawawala...
pinaparamdam mo'y hindi na nakatutuwa....
Wag mo naman akong ituring na isang parang bata.

Paghihirap ng puso ko'y kailan wawakasan....
Mga pagluha ko'y kailan titigilan?
Mga salita mong puro kasinungalingan....
Itong puso ko'y lagi mong sinasaktan!!!

SA ARAW NA ITO AKO'Y IYONG KINALIMUTAN...

ITO BA'Y HUDYAT NA KAILANGAN NG WAKASAN...

SETYEMBRE 21,TAONG KASALUKUYAN...

SIMULA AT WAKAS NG ISANG KASAYSAYAN!!!

Setyembre 21,2011

poknat

MASAKIT ANG LIMUTIN KA

MASAKIT ANG LIMUTIN KA
ni:ara castillo

tutoo ngang kita'y minahal na sadya..
ito nga sa iba'y di ipinagkaila..
ngunit ang limutin ka ay di ko magawa..
kahit na nga ako ay patuloy pang lumuha.

bakit hindi dapat at di maaari?
sa puso mo nga ba'y mayroon ng nagmamay-ari..
bakit di sinabing ako ay may kahati...
nang itong puso ko ngayo'y puno ng pighati.

Kahit sabihin pang hanggang sa pangarap...
pag-ibig ko sayo'y handang ipalasap...
saksi yaring langit pati mga ulap...
tanging ikaw lamang laging tinatawag.

Napakasakit ng salitang tinuran,
sa akin ba talaga'y wala ng pagmamahal?
ano ang nagawa pag-ibig ko ba ay kulang?
sabihin mo lang at akin pang pupunan.

hindi ko magawang sa iba tumingin...
tanging ikaw lamang sa puso ko at damdamin...
ganon lang ba kadali ang ako ay limutin...
anong sakit naman ..isinukli mo sa akin!!!

Limutin ang sinisinta'y di ganun kadali...
sakit sa dibdib ko'y mahirap mapawi...
sa haba ng panahong kita'y minithi...
sa hiwalayan lang ba tayo mauuwi?

sept.20..2011
poknat/ara

SAGOT KO KAY KUYA DONDIE..SA TULA NYANG "MINAHAL DIN KITA"

IKAW ANG SAGOT SA AKING DASAL

IKAW ANG SAGOT SA AKING DASAL♥
ni:ara castillo

Sa dami ng pagsubok na aking naranasan....
mga yugto ng buhay kong hindi malilimutan.....
may masaya malungkot at minsan iyakan......
heto pa rin ako ...nakatayo...lumalaban.

Hindi nalilimutang tumawag sa Maykapal.....
mabigat na pagsubok man aking tinataglay.....
maluwag sa puso ko at aking dinadasal....
tunay na pagmamahal akin ngang matagpuan.

Tiniis mga hirap at bawat pasakit.....
iniwan mga minamahal kahit masakit sa dibdib...
nagtungo sa ibang bayan upang pangarap makamit...
doon nakipagsapalaran ....sinuong ang panganib.

Nagtiis ..nangulila..namuhay ng payak.....
pinilit na abutin mga mumunting pangarap....
mga kalungkutan ko'y napalitan ng galak....
nang ika'y makita ko at aking makausap.

Mundo kong malungkot at dating walang sigla.....
ngayo'y puno ng kulay at laging masaya....
ito'y dahil sa'yo ng sabihin mong "mahal kita"...
buhay ko'y biglang nabago..sadyang ibang-iba.

Panalangin ko nga'y dininig mo..Dios ko....
mula ng makilala ka at ako'y inibig mo....
akala ko noon di na mabubuksan ang puso ko...
pinawi mong lahat kalungkutang meron ako.

Bawat dasal kong ikaw ay ingatan....
ingatan kang palagi labis kong minamahal....
tanging sinasambit maging gabi at araw.....
wala na ngang iba kundi ang yong pangalan.

Salamat at dumating ka sa aking buhay.....
kabiyak ng puso ko at isang kaibigan.....
wala ng hihilingin ikaw lang ang kailangan.....
dahil tanging ikaw na....ang sagot sa aking dasal!

BILANGGUANG WALANG REHAS

BILANGGUANG WALANG REHAS♥
ni:ara castillo

Bakit hanggang ngayo'y ramdam pa rin ang sakit,
Ala-ala ng kahapong dulot ay anong pait,
Paano ba malilimot at sa isipa'y maiwaglit,
Kahapong sa buhay ko....sa ala-ala nakasiksik.

Pangyayaring yumanig sa aking katauhan,
Naging kalawang sa pag-asa kong harapin kinabukasan,
Tila bilangguang selyado ng mapait na karanasan,
Paano nga ba ang tumakas at harapin ang tamang daan?

Lagi na lang bang bigo sa hamon ng kapalaran?
Sabi nila'y taglay ko ang mataas na antas ng katalinuhan,
Ngunit ba't sa pag-ibig lagi akong talunan....
di ba't sa pag-ibig hindi naman dunong ang pamantayan?

Sa tuwing ako'y mahihiga't mga mata'y ipipikit,
Di maiwasang lumuha sa bawat gabi'y magpagibik,
Ang sandaling limutin ka'y sa utak ko ipinipilit,
Ngunit ako yata ay nakagapos,sa ala-ala mo nakapiit.

Mabuti ngang isiping tunay ng nasa kulungan.,
Nakakatulog ng mahimbing kahit na may kasalanan,
Sa isang tulad kong ang nagawa lang ay magmahal,
Kalayaa'y di makamit....bihag pa rin ng nakaraan.

Buwan at taon na halos ang nagdaan...
Balikan ko ang araw ng ikaw'y magpaalam,
Ngunit sa gunita ko'y parang kahapon lang,
Di ko nga ba matanggap na ako'y isa na lang nakaraan?

Harapin ang umaga'y di ko alam kung paano,
Kung ang gabay at ilaw ko'y nawala sa isang iglap ito,
Paano gagalaw dito sa madilim na mundo,
Habang kamay at paa koy' nakagapos sa tanikalang dulot mo!

Pilit kumakawala sa bilangguang walang rehas,
Pinipilit abutin makisabay sa agos ng buong lakas,
Ngunit paano... ako yata'y di na makatakas,
Kasabay ng paglisan mo'y pag-asa ko yata'y nagwakas.

Tatawirin ko ba tulay ng mapaglarong buhay?
Kung alam kong ako'y hindi pa handa at mabuway,
Susundan ko ba ang mga yapak na aking natatanaw?
Gayong sa kabila noo'y di ko alam ang patutunguhan.

Sa kislap ng mga mata ko'y makikita at masasalamin,
Ang isang nilalang tigib ng lumbay at suliranin,
Makikita mga ngiti ikinukubli mga pasanin,
Sa bilangguang walang rehas kailan ako palalayain?

Ako nga ba'y sadyang sinusubok ng pagkakataon?
Kung gaano katatag..at makawala sa kahapon,
Bakit ako pa ang biktima ang syang nakakulong,
Bilanggo ng puso mo...taglay ko hanggang ngayon.

Kaysakit ang makulong sa bilangguan ng kahapon,
Mahapdi at mahirap kumawala sa pagdaan ng panahon,
Bakit hindi ko magamit ang taglay kong dunong sa ngayon?
Sa bilangguang walang rehas mo...bakit di ako makaahon?

BUONG BUHAY KO

BUONG BUHAY KO
ni:ms.ara castillo

Buong buhay ko'y ngayon lang nakaranas ng ganito....
mahalin ng tapat ng isang katulad mo.....
Isang tulad mong nagmahal ng tutoo....
walang kasingtamis..walang kasing puro.

Buong puso ko'y ikaw hanggang wakas.....
tutumbasan pagmamahal na sa aki'y ipinamalas.....
minsan lang sa dumating pag-ibig na wagas....
asahang aalagaan maging dusa man ang katapat.

Buong buhay ko'y ngayon nagmahal ng husto.....
mga pait ng nakaraan lahat pinawi mo.....
hindi masusukat pag-ibig ko sayo...
labis,umaapaw ...hindi magbabago.

Laging ikaw lamang nasa isip at damdamin....
ala-ala mga ngiti mo't mga paglalambing....
sa twina'y ikaw lamang nais makapiling....
ang makasama ka'y syang tangi kong hiling.

Sa buhay na ito'y walang pinapangarap....
KUndi makasama ka't sa gabi'y makayakap.......
maging maulan man o madilim yaring ulap....
hahawiin ang lahat...upang ika'y makausap.

Asahang pangako ko'y aking paninindigan.....
na tanging ikaw lamang sa puso ko nananahan...
magsilbi man ang puso mo ang aking piitan....
mga dasal ko ang tanging iyong magiging kanlungan.

Buong buhay ko'y ikaw lang walang iba.....
karugtong ng puso ko at bawat paghinga......
at kung mangyari man na ikaw ay mawala.....
yaring mundo ko'y mabubuwal...magigiba.

Sa mga pangarap ko'y ikaw ang kasama.....
bumuo ng palasyo at duon magsasama.....
doo'y ikaw ang hari at ituring mong reyna....
reynang ang puso mo ang aking korona.

Maging sa buong mundo'y di ka ikakahiya.....
makaranas man panlalait,mga pangungutya.....
aking isisigaw at ng malaman ng madla......
Sa buhay kong ito'y ikaw lang..kahit lumuha.

Sa oras ng ating mga pagtatawanan....
pag-uusap at minsa'y mga pagtutuksuhan.....
mga panibugho't pagtatalong di maiwasan.......
sa kabila ng mga ito'y di nagbago ang kalooban.

Kung sakali mang ako'y iyong makalimutan.....
at sumapit sa puntong di na ako ang kailangan......
kahit magsilbi pang isa na lang nakaraan.....
Buong buhay ko'y hindi ka makakalimutan.

Tanging kasiyahan ng puso kong nalulumbay.....
ang limutin ka nga'y hindi makakayanan.....
Aking pangakong sa iyo'y maghihintay.....
Kahit buong buhay ko...sa iyo iaalay!

PARA SA IYO AT SANA MABASA MO♥♥♥

IKAW LANG

        Sa una di ko alam ng ikaw ay makilala;

        Balewala at para bang ayaw ko ng umibig pa;

        pero ngayon,naging tayo at nakilala kita;

        Sa puso at isip ko,cnabi ko na sana"IKAW NA".

        Sobrang saya ng nadarama pag kausap ka;

        Kahit sa internet at webcam lang tayo nagkikita;

        Sa loob ng dalawang taon ng ating pagsinta;

        Parang nandyan ka lang kahit ika'y milya milya;

        Walang katumbas ang dulot mong ligaya!

        Sa paglipas ng mga araw na kausap ka:

        walang gabi o araw basta nandyan ka:

        Puno ng plano at pangarap sa isip nating dalawa;

        Na darating ang panahon na tayo;y magkakasama;

        Doon sa bansang SOKOR kung saan nandun ka!

        Isang araw nabigla ako ng sabihin mong"tapos na"

        Na tayo'y hiwalay na at wag ng umasa pa;

        Anong aking nagawa at biglang nagbago ka?

        lito ang isip ko at puno ng pangamba....

        na baka nga dyan,ika;y may IBA na!

        Di ko alam ang gagawin ko....

        Araw at gabi ikaw ang nasa isip ko;

        Anong nagawa at biglang nagbago?

        o ako lang ba ay cnusubok mo?

        kung gaano katapat....pagmamahal ko sayo!

        Alam ng DIOS at ng lahat ng tao....

        Kung gaano ka kaimportante dito sa buhay ko....

        sa buhay ko magmula ng naging tayo....

        Ikaw at ikaw lang ang minamahal ko!

        Sana hon ikaw ay magbalik...

        di makapapayag kahit na magsumiksik:

        Tanging ikaw lang walang ibang ibig....

        kahit pagtawanan ng buong daigdig...

        Ang puso kong itong"IKAW LANG ANG INIIBIG"!

Tula kong nagawa para sa'yo......

ito ang kauna-unahan mula ng ikaw'y magbago...
natutong magsulat ng dahil sa'yo.....
hanggang kailan ba magtatapos mga pahirap mo!
sana nga mabasa mo lahat ng ito......
KUNG PANO KANG MINAHAL HIGIT PA SA BUHAY KO!!!