Ang Saya ko♥

Sobrang saya ko mula ng araw na ito...di ko maipaliwanag!!!Yung matagal ko ng idinadasal eto na yata,basta masaya ako yun lang....walang kasing saya!Gusto kong humiyaw..lumundag.Sabi nila nag-iba aura ko!Ganun siguro talaga pag wala akng iniisip na problema...yung parang nakalutanag ka.Sana tuloy-tuloy na ito..and i wont ever really happen na maulit uli na umiyak ako..Luv u and i really do...Trust me..i love you for the rest of my life!

BAHAY KUBO NG BUHAY KO

BAHAY KUBO NG BUHAY KO
ni:ara castillo

I
Tao po!tao po!pwede po bang makituloy?
O kaya ay manghingi kaunting maiinom.,
mayroon akong tirahan ngunit walang bubong;
kung inyong mamarapatin,pwede po bang makisilong?
II
Marami pong salamat sa inyong pagtanggap..
maaaring dito nga natagpuan hinahanap...
mga kaibigang tunay ang paglingap.....
sa dami ng nadaanan,puro pagpapanggap!!
III
Mga kaibigang ningas kugon lang lahat...
sa una'y kaytamis paglumaon na'y kay-alat...
abang puso ko'y isa lang ang hinahangad....
makatagpo ng tahanang ituturing kong pugad.
IV
kaya't sa pagliliwaliw nitong nalulumbay na damdamin...
natagpua't nadaanan isang tahanang walang dingding..
punong-puno ng kasayahan,payak man sa paningin...
tinanggap akong tunay...kapamilya ng ituring.
V
tahanang natagpua'y nagdulot ng galak....
tumatak sa isip ko at aking panulat...
sana nga dito na kaisipa'y mailagak...
nitong Binibining sa Nueva ecija nagbuhat.
VI
Maraming tahanan akin ng nasilungan...
pawang mga pader ang haligi't gawa sa bakalan...
Ngunit sa mga unos sadyang may kahinaan...
Tatag na ipinakikita puro paimbabaw.
VII
Yaring bahay kubo'y magsisilbing tahanan...
gawa man sa gamit na hindi kamahalan....
Taglay pagmamahalan ng mga naninirahan....
Poong lumikha ang sandigan,kaagapay sa unos na dadaan.

Sept.23.2011
ara/poknat

MGA GABING DI MAKATULOG

Lagi sya ang naiisip....gabi na naman..isip ko sya pa rin ang laman.ano ba hindi ba ako titigilan?ang hirap na ah..maawa ka naman sa sarili mo.Wag puro sya isipin mo!ikaw ba iniisip ka kaya nya?Di ba nga natitiis ka nya..pero ano magagawa ko huhuhu....nandito pa sya eh.pwede nga sana maligo lang ako wala na sya...o kaya umiyak lang ako limot na sya.hindi naman ganun kadali!!!kinakaya ko naman eh...pero talagang sumisiksik sya sa isip ko.hindi lang sa isip..dito,dito sa puso ko.nandun sya.nakaukit,,,,hindi lang nakaukit nakatarak pa yung kutsilyong isinaksak nya!bat di ka magparamdam...sobrang parusa na to ah.Magparamdam?hellooooo....di ba sabi mo kakalimutan mo na..e bat naghihintay ka pa!Gumising ka nga!tanga ka talaga as in sobra!matalino?patawa ka....hindi ka matalino...ikaw ang pinakatanga alam mo ba yun?O baliw ka na!Ganun?Yun ba tamang term dun....sus!hindi ano?Stay foot ka lang dyan....wag mo ako madaliin.mahal ko eh...kahit na ano pa sabihin mo..ninyo.hindi pa ubos luha ko di ba?Yaan mo pag nakalimot na ako...ikaw unang-una na makakaalam...wag ka na mainis.saka tayo lang magkakampi di ba...kaya lika na tulog na tayo!



poknat>>>>>>>to her heart!!!

HULOG NG LANGIT

HULOG NG LANGIT
ni:ms.ara castillo

Dito sa isang pahina ng FACEBOOK;
Biglang nagsulputan dami ng kalahok;
Kanilang mga tulai'y hindi ko maarok;
Lahat nagsisikap na gantimpala'y maabot.

Banaag nga itong kahirapan;
Pagkakataong ganito ating pasalamatan;
Kay Bb.FLORENCE na magdaraos ng kaarawan;
Mamigay ng papremyo kanyang nakatuwaan.

Tumulong sa kapwa kanyang katuwaan;
Bilang paglingon sa kanyang pinanggalingan;
Dama aksi nya yaong kahirapan;
Nang mga taong tulad kong nangangailangan.

Hulog ka ng langit dito sa aming buhay;
Kababaan ng loob ang taglay mong tunay;
Sana'y bigyan ka pa ng mahabang buhay;
Nang DIOS sa itaas na lagi mong gabay.

Hangad ko Bb.FLORENCE iyong kaligayahan;
Labis ang tuwa ko ika'y natagpuan;
Kasiyahang ituring mong isang kaibigan;
Magkaiba man ang daigdig ating kinalalagyan.

Hulog ng langit kung ika'y turingan;
Anghel kang matatawag ng karamihan;
Anghel na bumaba sa sangkatauhan;
Tutupad sa mga misyon sa sangkalupaan.

Nagdaos ka ng ganitong paligsahan,
Kaligayahang hinahanap sa'yong kaarawan;
Sa halip na ikaw ang syang handugan;
Iyo na lang inisip ang aming kasiyahan.

Salamat Bb.FLORENCE sa iyong kabaitan;
Ligayang hanap mo iyo na sanang matagpuan;
Ihulog sana ng langit sa'yong kaarawan;
Ang lalaking magmamahal sa'yo ng lubusan.

HILING

HILING
ni:ms.ara castillo

Miss Florence ang tawag sa'yo ng ilan;
Ate Coco sa iyong mga kaibigan;
...Admin ng LOVER"S LANE na aming pinupuntahan.
Bukod pa dyan wala na akong nalalaman.

Kaya ako'y sadyang nahirapan;
Kung paano ang tulain sisimulan;
Sana ako'y isa na sayong mga kaibigan;
ito'y isang gantimpalang di matutumbasan.

Ako'y di naman po makatang sadya;
mga nararamdaman idinadaan lang sa pagtula;
ng minsa'y anyayahan ng magandang makata;
sa pahina ni aling doray dun nagsimula.

Di man tugma paghabi ng salita;
pipilitin upang maging akma;
sa panlasa mo Binibining CALICA;
Upang makapaghatid kahit gamunggong tuwa.

Paghabi man ay mali-mali;
Sa iyong kaarawan ako'y bumabati;
Humahanga sa bawat mong mithi;
Kasaganaan sa mahihirap ibinabahagi.

Kung ako lang sana'y makakarating;
o di kaya'y himpapawid aking liparin;
upang sa kasayahang gaganapin;
masasarap na pagkain ako'y makatikim.

Sa panaginip man lang ito'y makamit;
at makapagsuot ng magandang damit;
habang sa saliw ng musika'y nakikigitgit;
wag lamang sanang paa ko ay maipit.

kaya sana Miss Florence ako'y hintayin;
malayo ka man aking pipilitin;
Taos pusong pagbati at hiling;
iyong asahan sa hangin ito'y ibibilin.

sayong paligsahan di man palarin;
mga katha ko di man iyong piliin;
ang nais ko lamang at tanging hiling;
maging isang kaibigan mo OK na sa akin.

I LOVE YOU NA LANG SA TAGO

Tulaing pakiusap ni Arvin Gapasin
handog kay Bb.Maharlika

I LOVE YOU NA LANG SA TAGO!!
ni:ara castillo/poknat

Taglay mong kagandahan ang sa akin nga'y bumihag...
Mga ngiting taglay mo'y lagi kong hinahanap...
Walang kasingtamis...pisnging kulay rosas...
kailan mahahagkan..kailan mayayakap?

Kagandahang taglay mong sa isip nakapagkit....
hindi ko malimutan ..laman ng bawat panaginip....
Ngunit hanggang dun na lang aking makakamit....
Dahil sa 'yong pag-ibig mayron na ngang nakasungkit.

Kimkim na pagtingin kaytagal ng itinatago....
Kapag nakikita ka'y dibdib ko'y sumisikdo...
Sa galing mong kumatha lalo akong narahuyo...
taglay na paghanga sayo...nauwi sa pagsuyo.

Gayunmang ikaw nga ay mayroon ng minamahal....
Ngunit sa puso ko'y ikaw pa rin nakatanghal....
Baliw nga ba ako sa iyong pagmamahal....
O isang katangahang walang katuparan?

Tunay ngang pag-ibig bulag kung ituring....
Kahit pa ako'y masaktan lahat titiisin...
Dumating man ang araw ika'y kanyang paluhain...
Di magdadalawang salita kung ngalan ko ay tawagin.

Wala ngang pasubali ligaya mo'y tanging hangad..
Ika'y sinasaba at wala kang katulad....
Ako'y alipin mo di ko man maipahayag....
Puaso'y sa iyo lamang...magsisilbi mong bihag.

Kahit sabihin pang ako sa'yo;y bigo....
Pilit ka ngang susundan kahit saaan ka magtungo...
Malamang ok ka...kasiyahan na nitong puso...
Di mo man ito malaman..I love you na lang sa tago!

Sept.21,2011

HILING

HILING
ni:ms.ara castillo

Miss Florence ang tawag sa'yo ng ilan;
Ate Coco sa iyong mga kaibigan;
...Admin ng LOVER"S LANE na aming pinupuntahan.
Bukod pa dyan wala na akong nalalaman.

Kaya ako'y sadyang nahirapan;
Kung paano ang tulain sisimulan;
Sana ako'y isa na sayong mga kaibigan;
ito'y isang gantimpalang di matutumbasan.

Ako'y di naman po makatang sadya;
mga nararamdaman idinadaan lang sa pagtula;
ng minsa'y anyayahan ng magandang makata;
sa pahina ni aling doray dun nagsimula.

Di man tugma paghabi ng salita;
pipilitin upang maging akma;
sa panlasa mo Binibining CALICA;
Upang makapaghatid kahit gamunggong tuwa.

Paghabi man ay mali-mali;
Sa iyong kaarawan ako'y bumabati;
Humahanga sa bawat mong mithi;
Kasaganaan sa mahihirap ibinabahagi.

Kung ako lang sana'y makakarating;
o di kaya'y himpapawid aking liparin;
upang sa kasayahang gaganapin;
masasarap na pagkain ako'y makatikim.

Sa panaginip man lang ito'y makamit;
at makapagsuot ng magandang damit;
habang sa saliw ng musika'y nakikigitgit;
wag lamang sanang paa ko ay maipit.

kaya sana Miss Florence ako'y hintayin;
malayo ka man aking pipilitin;
Taos pusong pagbati at hiling;
iyong asahan sa hangin ito'y ibibilin.

sayong paligsahan di man palarin;
mga katha ko di man iyong piliin;
ang nais ko lamang at tanging hiling;
maging isang kaibigan mo OK na sa akin.

BULAKLAK

Simula ng mapadako sa iyong pahina;
Natutulog kong puso ay sadyang namangha;
...Sa mga nabasa di makapaniwala;
Na may isang tulad mo,mababang loob na sadya.
Sa pagkatha ng tula di man ako kagalingan;
nagsumidhing sumulat upang ikaw ay pagbigyan;
Nais maging bahagi nyaring kasayahan;
Mabati ka lang,isa ng karangalan.
Hindi man kita lubusang kilala;
at sa mga larawan mo lamang nakikita;
di man alam buo mong istorya;
ika'y hinahangaan ng puso kong aba.
mabibilang sa mundo may ganyang hangarin;
ibahagi sa kapwa biyayang narating;
kutad ng isip ko ngayon pa lang hahasain;
mapangiti ka lang,kasiyahan na sa akin.
Tulad mo'y inspirasyon sa mga mahihirap;
kahirapa'y di hadlang sa mga pangarap;
sipag at tiyaga samahan ng pagsisikap;
at sa huli may gantimpala kang matatanggap.
Sa iyo ms.Florence,nais kang pamarisan;
ang isang tulad mo'y kaiba sa karamihan;
Hangad ko'y iyong makamit tunay na kaligayahan;
Na di mabibili ng anumang kayamanan.
Tanging hiling ko lamang sa iyong kaarawan;
lahat ng kabutihan sana ikaw ay suklian;
walang maihandog sa halip ikaw ay handugan;
munti ko sanang tulain,iyo na lamang pagpasensyahan.
Kalakip nitong tulain ay isang bulaklak;
Tulad ng iyong pusong malinis at busilak;
Habang sumusulat luha ko'y pumapatak;
dahil may isang Ms.florence...sa isip ko'y tumatak!
Muli ipinaparating taos puso kong pagbati;
Na sana ating Maykapal,pagpalain ka palagi;
Sa darating na kaarawan makamit minimithi;
At laging mamutawi mga ngiti sa'yong labi.

ATING BATIIN SYA

ATING BATIIN S'YA!
ni:ms.ara castillo


Gising na!Gising na!Mga kasama;
Salubungin ang araw ng umagang kayganda;
Isang umagang sa buhay niya;y kakaiba;
Tayo'y magsama-sama at ating batiin sya!!!

Araw ng pagsilang nitong Binibining maganda;
Sa mundong magulo at puno ng problema;
Nagsikap sa buhay,upang pangarap matupad;
Kasaganaang tinatamasa,sa Switzerland sya napadpad.

Kaarawan ng tao'y di isineselebra sa edad;
Kundi sa mga nagdaang pagsubok ng realidad;
Kaarawa'y ginaganap bilang pagpapasalamat;
Sa buhay na pahiram ng PANGINOON nating lahat.

Diwa ng kaarawa'y di makikita sa pabalat,
Sa dami ng handa at regalong nakakalat,
Sa magagarang damit at inuming sikat;
Kung dyan naman sa puso mo...pagmamahal ay salat.

Karawa'y kaysaya kung pamilya'y sama-sama;
Kapatid,anak pati si lolo at lola;
Si tatay,si nanay,gayundin si ate at si kuya;
Masayang pagsasaluhan pagkaing nasa mesa.

Ngayon nga ay kaarawan nitong ating kaibigan;
Binibining Florence Calica na isinilang sa Bauang;
Admin ng Lover's Lane,pahinang kinagigiliwan;
Anong ihahandog sa kanyang kaarawan?

Nais mang sa kasayahan ako ay makadalo;
Upang matikim isang masaganang salu-salo;
Paano ngang gagawin isip ko'y nalilito;
Sa pangarap nalang doon magkita tayo.

Ngunit lahat ng bagay ay mayroon ngang paraan;
Lalot nasa puso at bukal sa kalooban;
Ito lamang ang tangi..at tangi kong nalalaman;
Sa pahinang LOVER'S LANE..dito ko ipagsisigawan.

Ano pa ngang hinihintay aking mga katulaan;
Pagbating inihanda sa ating kaibigan;
Tayo ng magtungo sa pahinang tambayan;
Ating batiin s'ya.....MALIGAYANG KAARAWAN!!!!

TANGING IKAW

19th entry ko po.....

TANGING IKAW
ni:ms.ara castillo

Sa puso ko iakw lamang ang mamahalin;
At magpakailanman tanging ikaw ang iibigin;
Yan ang sambit ng puso kong naninimdin;
Kahit dagat ang pagitan;ibubulong ko sa hangin.

Titiisin ang lahat ayon sa 'yong kagustuhan;
kahit puso pa'y labis mong pinahihirapan;
Mga ala-ala mo sa twina'y binabalikan;
Ating paglalambingan sa pahina mong tinatambayan.

Sabihin mang tayo ngayo'y may tampuhan;
Laging ikaw pa rin laman nitong isipan;
sa bawat pagtulog ko napapanaginipan;
sa bawat sulok ng gunita ko larawan mo ang nariyan.

pinakamahirap dayain puso at damdamin;
lalo't nararamdaman tunay ang hangarin;
laging dinadasal tangi kong layunin;
tanging ikaw lamang aking mamahalin.

Tanging ikaw lamang laging sinisigaw;
Sinisigaw ng puso kong sa pagmamahal mo'y uhaw;
Uhaw sa pag-ibig mong sa puso ko ay pumukaw;
Tanging iakw lamang...sa buhay ko'y nag-iisang ikaw!

Tanging ikaw hanap ng pusong umiibig;
Pag di ka natanaw puso ay naliligalig;
Sana'y makasama ka yang ang aking ibig;
Ikulong sa mga labi mo at matipuno mong bisig.

Sa iyo SIMPATIKO kung ano man ang tampuhan;
mga paghihirap ko'y di ko na makayanan;
Akoy lumuluhod nagsusumamo sa 'yong harapan;
Mga hinanakit sa puso natin ay kalimutan.

Tanging nais ko malubos ang kasiyahan;
Ika'y makasama sa nalalapit kong kaarawan;
Sana sa paanyaya ko ako'y iyong pagbigyan;
Tatanggapin sa kalooban ko kung iyong pasubalian.

Tanging ikaw lamang aking minimithi;
Kung di rin lang ikaw di na iibig pang muli;
Dahil sa 'yo lamang ang puso ko'y nakatali;
Ikaw lamang SIMPATIKO...sa puso ko ang magwawagi!!!

SIMPLE LANG

18th entry ko po...
SIMPLE LANG
ni:ms.ara castillo

Akala ng iba buha'y ko'y kumpleto na;
Na wala ng kulang dahil sa maraming pera;
ngunit kaligayaha'y di nasusukat sa maykaya;
Dahil sa buhay ko si SIMPATIKO ang lahat na.

Sa tuwing binabalikan araw nating nagdaan;
Kirot sa puso ko di pa rin malimutan;
Doon sa pahina mo kung san ka iniwan;
Nakatatak na sa gunita ko di mabubura ninuman.

Naalala kong lagi iyong kakulitan;
maligayang sandali ng ating biruan;
kahit katiting wala sa'yong pagdaramdam;
kahit nga ako'y labis mong sinaktan.

Dito sa puso kong ikaw ang siyang laman;
Pangungulila sa'yo..di maiwasan;
ngunit gayon pa man pinilit kang layuan;
hayaan na lang kung ano ang kapalaran.

Nasaktan man ng labis itong aking puso;
Ay tanging ikaw pa rin dito ang nakatago;
Di ko magawang sa iba marahuyo;
Dahil hinihintay pa rin ang yong pagsuyo.

Labis na kasiyahan aking naramdaman;
na ako'y sinusundan at ika'y laging nandyan;
Dito sa bagong tambayang aking napupusuan;
kasama ng aking mga bagong kaibigan.

Sa aking kaarawan simple lang kahilingan;
di ko inaasam mamahaling kagamitan;
magagarang damit o kaya ay sasakyan;
Ikaw lang ay makapiling labis ng kasiyahan.

Kalungkutan sa puso ko ikaw ang pumukaw;
Kaligayahang dulot mo sa buhay ko ang tumanglaw;
Sa bawa sandali ikaw ang nais na matanaw.
sigaw ng puso ko walang iba kundi ikaw.

Sa darating na buwan ng aking pagsilang;
aking panalangin sa DIOS na may lalang;
kung ikaw ay wala kasiyahan ko'y kulang;
kaya sana pagbigyan ang hiling kong...simple lang!!!

HULOG NG LANGIT

15th entry ko po......

HULOG NG LANGIT
ni:ms.ara castillo

Dito sa isang pahina ng FACEBOOK;
Biglang nagsulputan dami ng kalahok;
Kanilang mga tulai'y hindi ko maarok;
Lahat nagsisikap na gantimpala'y maabot.

Banaag nga itong kahirapan;
Pagkakataong ganito ating pasalamatan;
Kay Bb.FLORENCE na magdaraos ng kaarawan;
Mamigay ng papremyo kanyang nakatuwaan.

Tumulong sa kapwa kanyang katuwaan;
Bilang paglingon sa kanyang pinanggalingan;
Dama aksi nya yaong kahirapan;
Nang mga taong tulad kong nangangailangan.

Hulog ka ng langit dito sa aming buhay;
Kababaan ng loob ang taglay mong tunay;
Sana'y bigyan ka pa ng mahabang buhay;
Nang DIOS sa itaas na lagi mong gabay.

Hangad ko Bb.FLORENCE iyong kaligayahan;
Labis ang tuwa ko ika'y natagpuan;
Kasiyahang ituring mong isang kaibigan;
Magkaiba man ang daigdig ating kinalalagyan.

Hulog ng langit kung ika'y turingan;
Anghel kang matatawag ng karamihan;
Anghel na bumaba sa sangkatauhan;
Tutupad sa mga misyon sa sangkalupaan.

Nagdaos ka ng ganitong paligsahan,
Kaligayahang hinahanap sa'yong kaarawan;
Sa halip na ikaw ang syang handugan;
Iyo na lang inisip ang aming kasiyahan.

Salamat Bb.FLORENCE sa iyong kabaitan;
Ligayang hanap mo iyo na sanang matagpuan;
Ihulog sana ng langit sa'yong kaarawan;
Ang lalaking magmamahal sa'yo ng lubusan.

SETYEMBRE

SETYEMBRE by Ara Castillo(16th entry)
By Lover's Lane

...Buwan ng Agosto ng aking nadiskubre;
Sa Lover's Lane may paligsahang nangyayari;
Muntik ngdi makasali..sa dami na dito ng entry;
Dito nga sa pahinang ginawa ni Sir Spammy;
Sa Setyembre uulan nga ng biyaya;
Malalaman na ang pinakamaganda ang katha;
Nang mga kalahok sa paggawa ng tula;
Patungkol sa kaarawan nitong si Bb.FLORENCE CALICA.
Di ba't sa Setyembre din nagsisimula;
ANG paghahanda sa kaarawan ng Maylikha;
Kaya't sa kaarawan ni Bb.CALICA;
Maaari ng maglagay palamuting magagara.
Setyembre buwan ng kanyang pagsilang;
Pinagpalang araw ng kanyang mga magulang;
Bunga ng kanilang pagmamahalan;
Handog ng POONG isinilang sa sabsaban.
Sa Setyembreng buwan na darating;
Sana tayong lahat magkakapiling;
Sa kaarawan nitong magandang Admin;
Doon makakatikim sari-saring pagkain....
Hiling ko sana'y may ice cream din;
ibabalot para sa aking tsikiting;
At pag nalingat mga panauhin;
Palamuting bulaklak ng keyk aking kukunin...
Hep..hep..wag mo naman sana akong pag-isipan;
Nababasa ko ang nasa utak mo;kaibigan;
nakita kita iyong binubulungan;
Si Bb.Florence duon sa may likuran.
Ito akin gagawing remembrance lamang;
ilalagay sa isanggarapon at tatakpan;
na ako'y naimbitahan sa isang kaarawan;
isang Setyembreng di ko malilimutan.
Sana'y madaming Setyembre pa ang dumaan;
Sa buhay mo Bb.FLORENCE aking dasal;
Mula sa buong sulok ng sandaigdigan;
Kami'y bumabati sayo...MALIGAYANG KAARAWAN!!!!!

SAYAW

SAYAW 14th entry of Ms. Ara Castillo

by Lover's Lane on Tuesday, August 9, 2011 at 6:46am

Hindi mapakali sa pagtulog ko kagabi;
Ng aking marinig tugtugang nakakabingi;
Ako'y biglang nagbangon at ilaw isinindi;
Aking aalamin kung ano ang nangyayari?
Kunot ang noo ako'y bumabang dali-dali;
Balak ko'y awayin nagsa-sounds ng masidhi;
Sa tugtog na narinig tenga ko'y nakukulili;
Nang malaman ko kung ano,inis napalitan ng ngiti.
Tumambad sa akin maraming palamuti;
Mga ilaw sa bakuran sadyang sari-sari;
Pagkaing nakalatag hindi ko mawari;
Ito'y gabi pala ng isang Binibini......
Kaarawan pala nitong kaibigan kong maganda;
Nakaligtaan ko sa dami ng problema;
At heto pa ngayon humahataw pa;
Hanep sa galing sumayaw ng cha-cha.
Suot ni Bb.FLORENCE damit na kulay lila;
Habang sumasayaw sila ng kapareha;
Mata nila'y nakatitig pa sa isa't-isa;
Habang isinasayaw nila ngayon ay rumba.
Tugtog nga biglang huminto;
Saka biglang kumumpas itong si Admin Coco;
pinalitan ng Tanggo,sabay biglang liko;
Sa bisig ni SIMPATIKO duon agad ang tungo.
Sa saliw ng tugtog ako ang humihingal;
Ngunit si Bb.FLORENCE walang kaangal-angal;
Sa kanyang mukha parang di napapagal;
Dahil nga si SIMPATIKO ang kanyang kasayaw.
Bakas sa mukha nya labis na kasiyahan;
nang itong musika napalitan na naman;
sa pakiwari ko ba ayw na niyang tigilan;
Nang si G.SIMPATIKO sa beywang nya tumaban.
Inis ko kaninay napalitan ng kilig;
lalot ang tugtog pa musikang aking ibig;
kaysarap pagmasdan dalawang umiibig;
nang biglang si Admin Coco hinalikan sa bibig.
Dahil nga sa isang sayaw;
mga panauhin di magkamayaw;
halos lahat ng naroon ay sumisigaw;
sinasambit pagbati sa may kaarawan.
Lahat nagpalakpakan sa aming nasaksihan;
Emosyong naramdaman para sa isang kaibigan;
Ligayang inaasam kanya ng nakamtan;
Binibining FLORENCE CALICA,MALIGAYANG KAARAWAN!!!!

SALITA

Salita 13th entry ni Ara Castillo
By Lover's Lane

Ang tula ay hindi isang simpleng salita lamang;
ito ay may sukat at tamang taludturan;
Ito ay angkop din sa puso ninuman;
At ang pinakamahalaga ay ang nilalaman.

Salitang hahabiin dapat may kaugnayan;
Lalo na't higit sa patutungkulan;
Salitang iaakma sa isang nilalang;
At salitang itutugma sa tunay nyang buhay.

Kaya't sa paanyaya ako ay nahirapan;
Salitang isusulat ay di ko malaman;
Paano nga ba ikaw mailalarawan;
Sa salitang para sa'yo baka wala ng paglagyan.

Ikaw'y nakilala dito sa pahina lamang;
Salitang ibabato sa'yong katauhan;
Tanging alam ko lang ay iyong pangalan;
Binibining FLORENCE CALICA..sa SWITZERLAND naninirahan.

Salitang sasabihin aking iniingatan;
Baka damdamin mo ay akin pang masaktan;
Mas mabuti pang manahimik na lamang;
Kapag walang binigkas..walang kamalian.

Paano ngang ika'y mapapasaya sa aking katha;
Kung salitang sasabihin ay kulang sa diwa;
Sa iyong KAARAWAN;kung si SIMPATIKO ay wala;
Ay parang isang pangungusap na kulang sa salita.

Ang buhay mo Bb FLORENCE..ay parang salita;
Punung-puno ng kahulugan,at puno ng diwa;
Dahil sa kabutihang iyong ginagawa;
Ika'y namamahagi ng nalasap na biyaya.

Kaya't sa'yong kaarawan wala akong maihahanda;
Kundi mga salita dito sa aking mga katha;
Salitang hinabi ng dila kong di hasa;
Taos pusong pagbati ko mababasa sa ibaba......
.
.
.
.
.
.
MALIGAYANG KAARAWAN Bb.FLORENCE CALICA;
Mula sa iyong kaibigan sa NUEVA ECIJA nagmula;
Natutong kumatha dahil sa iyong ginawa;
Dito sa pahina ng LOVER'S LANE umulan ng biyaya.

PAKIUSAP

Pakiusap 12th entry ni Ara Castillo
By Lover's Lane

Ang tulaing ginawa ay para sa kaibigan ko;
Na magdaraos ng kaarawan sa darating na buwan na ito;
Ngunit ang paksang gagawin para sayo G.SIMPATIKO....
Aking pakiusap ....dinggin mo at sumeryoso.

Di na kinakakailanangan sa'yo ipakilala pa;
At ang aking sasabihin di na pakahahabaan pa;
Admin ng Lover's Lane na lagi mong ka-chika;
Si Binibining FLORENCE ito....na nasa GENEVA!

Maaaring sagutin lang ilang katanungan;
Dahil ang nais ko'y pawang katutohanan;
Batid ko din naman na ika'y naguguluhan;
Sa aking sinasabi'y walang maunawaan.

Ipagpaumanhin po aking kapangahasan;
kung ang iyong damdamin aking pinapangunahan;
Ang tanging nais lang ay aking malaman;
Kung ikaw kay Bb.FLORENCE ay may nararamdaman?

Kung sakali mang ika'y sadyang nalilito;
Ay di naman kita sa kanya ibibisto;
Ating pag-uusapan ituturing na sikreto;
Yan ang pangako ko...G.SIMPATIKO.

Eto naman po aking napag-alaman;
Nang kami ni Bb.FLORENCE minsang nagkwentuhan;
Kayo palang dalawa laging naghaharutan;
Mga biro mong sinasambit sa puso nya'y kagalakan.

Hinihintay ko po iyong kasagutan;
Kung si Bb.FLORENCE iyong napupusuan;
Aba!G.SIMPATIKO..pwede kitang tulungan;
Kung isang tulain lamang pwede natin siyang handugan.

Huwag ka ng mag-atubili sa akin nga ay aminin;
Tunay na nadarama sa mahal naming Admin;
Ako'y may ibubulong dumikit lang ng konti sakin;
Siya'y may pagtingin sa'yo...sa akin yan kanyang inamin.

Kaya G.SIMPATIKO,.....wag mo ng patagalin;
Pag-ibig sa knya'y ngayon mo na sabihin;
Sinisigurado kong di ka bibiguin;
Ngunit pakiusap ko.....sa kanya ako'y wag ibuking.

Ang tanging nais ko lang sya ay pasayahin;
sa darating na kaarawan sa Setyembreng darating;
Puso ni Bb.FLORENCE ay aking punuin;
Na tunay na kaligayahang sa'yo lang manggagaling.

G.SIMPATIKO pakiusap ko sana ay dinggin;
Sana'y maging tapat tunay mong layunin;
Ang pakiusap ko wag sanang paluhain;
Dahil ikaw ang itinatangi nitong aming Admin.

G.SIMPATIKO...isa pang pakiusap...
Sa kanyang kaarawan iyong ipalasap;
Ikulong sa'yong bisig,kanyang pinapangarap;

Upang sa kanyang KAARAWAN;kaligayaha'y maging ganap!!!!

IKAW

kaw 11th entry ni Ara Castillo
By Lover's Lane

Ikaw na sa kanyang puso ay bumuhay;
pusong walang sigla at laging matamlay;
Ikaw na siyang dahilan ng mundo niyang makulay;
Ikaw ang simula ng ligaya nyang inaasam.

Ikaw ang kasiyahan nitong may kaarawan;
ikaw na sa puso niya...ngalan mo ang nakatahan;
Ikaw na pumalis kimkim nyang kalungkutan;
Ikaw na kumiliti sa puso nyang pihikan...

Ikaw ang bagong pag-ibig nyang hinihintay;
Hinihintay nyang palagi upang puso ay ialay;
ikaw na syang tanging sa panulat nya ay bumuhay;
mahabang panahon sa baul at dun humimlay.

Ikaw tanging lalaki kanyang napapanaginipan;
doon sa pangarap ituloy paglalambingan;
Ikaw na sa kanya'y nagbibigay ng kasagutan;
Sa kanyang katanungang;puso lang ang may alam.


Ikaw na sa kanya nga minsa;y nagpapaiyak;
sa isang ngiti mo lang napapawi ng lahat;
Ikaw na siyang sandigan ng buhay nya't pangarap;
Kailan mangyayari...kailan matutupad?

Ikaw ang lalaking sa isip nya'y gumugulo;
alin ang susundin puso ba o isip ko?
Sa pagdotdot sa internet hindi na magkandatuto;
pag ikaw na ang kausap Ginoong SIMPATIKO.

Ikaw kanyang nais makasama sa pagtanda;
na kung may karamdaman ikaw ang mag-aalaga;
ikaw pagsasabihan maglalambing na parang bata;
habang tinatapik, hinihimas kanyang mukha.

Ikaw na sa knyang kaarawan tanging hangad;
na sa kanyang paggising ,unang babati at bubungad;
habang sa higaan lalapit at yayakap;
Bangon na aking FLORENCE,palad nya iyong gagap.

Ikaw ang hangarin ng puso niyang umaamin;
kaya GINOONG SIMPATIKO papawirin ay tawirin;
at iyong pagbigyan nais ng aming Admin;

na sa kanyang kaaarawan mayakap mo at batiin!!!!

SORPRESA

Sorpresa 1oth entry ni Ara Castillo
By Lover's Lane

Ika-20 ng Setyembre ngayon;
Ito na ang araw ng selebrasyon;
Si Admin Coco nagpasalamat sa Panginoon;
Sa mga biyayang ipinagkaloob ng POON.

Sa kanyang pag-uwi sa mansyon;
Wala ni isang tao ang naroon;
Tila nalimutan na sya ng panahon;
Nang mga kaibigang nasa imbitasyon.

Sa kanyang silid sya ay nahiga;
sakit sa dibdib pilit winawala;
Nang may marinig ingay sa ibaba;
Dagli nyang pinalis luha sa mukha.

Dali-dali kanyang tiningnan;
Kung ano ang mayroon sa kanyang bakuran;
Isang malamig na musika ang kanyang sinundan;
Si Ginoong.SIMPATIKO kanyang nasilayan.

Habang iniaabot sa kanya pumpon ng rosas;
Kaligayahan sa mukha niya'y mababakas;
Sa labi ni SIMPATIKO kanyang binigkas.
Salamat sa DIOS,nagkita din tayo sa wakas!

Kakaibang ligaya kanilang nadama;
Di maipaliwanag sa unang paghaharap nila;
Habang mga mata nakatitig sa isa't-isa;
Kapwa dibdib kumakabog sa kaba.

Pusong umiibig di mo maiintindihan;
kusang uusbong kahit pigilan;
kahit anong hadlang di papayagan;
masunod lamang ang syang nilalaman.

Hanggang sa di nila namalayan;
magkayakap na kanilang katawan;
Tamis ng pag-ibig na di mapigilan;
Ngayo'y masaya nilang pagsasaluhan.

Sorpresa ko sa iyong kaarawan;
Pagmamahal ko sa iyo'y di matatawaran;
Dahil nga sa dagat ang ating pagitan;
Tinawid ito upang sayo'y patunayan.

Kasabay ng pagliwanag ng buong bakuran;
Mga panauhin na nakakubli nagpalakpakan;
at sabay sabay nilang ipinaghiyawan;

Binibining FLORENCE....MALIGAYANG KAARAWAN KAIBIGAN!!!

SA HARDIN

Sa Hardin 9th entry ni Ara Castillo
By Lover's Lane

imahinasyon ko'y muling pagaganahin ngayon;
Upang bigyang katuparan aking layon;
...Bigyang kasiyahan ang may selebrasyon;
Na di nya makakalimutan sa habampanahon.

May isang dilag na sadyang kayrikit;
Lahat ng kalalakihan sa kanya lumalapit;
Upang kanyang "OO"kanilang masungkit;
Ngunit itong rosas hindi nila mapilit.

Minsan isang gabing naliwanag ang buwan;
ang dalaga'y nagawi dun sa bulaklakan;
Habang pinagmamasdan tala sa kalangitan;
Ay may isang boses galing sa likuran.

Anong ginagawa mo magandang Binibini?
Sa boses ng lalaki itong dilag nama'y tupi;
anong nararamdaman bat hindi nya mawari;
Lalo ng sya'y humarap,sinalubong sya ng ngiti.

Di maipaliwanag ang labis na tuwa;
Sa bibig nya'y walang lumabas anumang salita;
Sa lalaking kaharap sadyang batang-bata;
Sa kanyang kaharap ngayon di makapaniwala.

Bigla ngang kinuha ng binata kanyang kamay;
at sa liwanag ng gabi hardin ay binaybay;
habang silang dalawa naglalakad ng sabay;
Sa puso ng bawat isang mayroong kumakaway.

Hanggng makarating sila dun sa may duluhan;
kung saan ating Admin iniupo sa may duyan;
habang itong binata umupo ng dahan-dahan;
para bang nahihiya itong dalaga ay tabihan.

Habang silang dalawa sa may duyan magkadikit;
mga ibon sa paligid nagsasaya at umaawit;
tila baga mayroon silang nais na ibanggit;
pagmamahal sa dalaga kanya sanang igiit;

Maya-maya ang binata binasag ang katahimikan;
sabay sabi sa kataga kamay nyay hinawakan;
Alam mo ba MADAM nais ko'y iyong malaman;
Ang narito sa dibdib kong matagal ng pinipigilan.

Dahil sa narinig tinig ni Admin gumaralgal;
Alam mo ba SIMPATIKO matagal na kitang mahal;
Ikaw at ikaw lamng sa puso ko itatanghal;
at sabay pahid sa luha"tahan na mahal".

Sa kasiyahang nakamit,puso niya'y umaawit;
kanila ngang mga mukha'y malapit na malapit;
Ginoong SIMPATIKO sa kanya may binabanggit;
sa paglapat ng mga labi,ADMIN COCO napapikit.

Kasabay sa liwanag nitong buwan;
Dalawang puso nga ay nagkaintindihan;
Si Bb.Florence at Simpatiko nga yan;
doon sa may hardin nagtapatan.

Binibining FLORENCE sana'y magustuhan;
Tulaing katha nitong isipan;
Hangad ko po maging katutohanan;
Upang malubos iyong kaligayahan.

MALIGAYANG KAARAWAN!!!!!

PALIGSAHAN

Bago pa man basahin ni Admin COCO ang tulain;
puso ko'y kumakaba,naligalig ang damdamin;
...Kung paanong di gayon,tahanan ko'y sa bukirin;
Sa paligsahang gagawin,utak ko ay hahasain.

Sa ginawang paligsahan dito sa Lover's Lane'
isang samahan dito sa aklat ng networking;
Lahat ng makata inanyayahan nitong magandang Admin;
Paligsahang sa paraang patula sya ay batiin.

Paano kayang ang isang tulad mo'y pakiligin.
sinabi sa sarili anumang mangyari'y pipilitin;
Kahit umabot pang utak ko ay pigain;
Kita'y pagbibigyan masunod lang iyong hiling.

Sa larangang ito ako'y sadya pang bagito;
Sa paghabi ng salita mababaw,at kulang pa ako;
Dito sa paligsahan magagaling mga katungggali ko;
Sa nilalaman ng tulain...di naman ako patatalo.

Sa paramihan ng boto tiyak ako na nga ay talo;
Sa pagboto sa katha ko mag-like ang may gusto;
Di na hinahangad dyan makuha ang premyo;
Ok na sa akin,ang mahalaga naibahagi nasa isip ko.

Dito sa paligasahan sa dami ng Entry ko;
Hindi na matandaan ito na yata ang pangwalo;
Kahit na nga dito walang madaming magkagusto;
Bigyang kasiyahan si Miss FLORENCE,iyon na ang panalo ko.

Lahat na ng papuri kanila ng nasambit;
Di na ito kailangang banggitin ng paulit-ulit;
Sa pamamagitan ng tulain ito lamang naiisip;
Tanggapin aking handog Miss Florence na marikit.

Wag ka sanang magsawang sa katha ko'y tumunghay;
Pagkat materyal na bagay wala akong maibibigay;
Tanging mga tulain sayo aking maiaalay;
Kahit ako'y mahirapan;mga salita maghuhukay.

Dahil sa paligsahan pagsulat ko'y nasimulan;
Pagpapaunlak kay Miss FLORENCE,para sa kanyang kaarawan;
Kahit pa araw-araw ika'y aking hahandugan;
Mapangiti ka kahit kaunti;ng tulad kong baguhan.

Mga tulaing kinatha para sa'yo MISS CALICA;
Mula sa puso ko sinulat ng may tuwa;
Sa paligsahan mo di man ako ang pinagpala;

Makiisa sa KAARAWAN mo tangi kong magagawa.