BULAG SA KATOTOHANAN

matagal na panahon ikaw ay wala;

ngunit bat di mawala dito sa gunita;

araw gabi pa din akong lumuluha;

bat ba ang puso hindi makalaya?

kahit anong gawing puso ay turuan;

na ikaw ay wala na,wag ng asahan;

puso ko lamang pinapahirapan;

heto pa rin patuloy nasasaktan.

sa buhay ko ngayon lang nagkaganito;

ikaw at ikaw pa rin ang hinahanap ko;

sana nga nandito ka at nalalaman mo;

mga pagdurusa ko ng dahil sa'yo.

sadya ngang puso ko'y di maturuan;

na sa iba ito nga ay muling pagbuksan;

pero sadyang ikaw lang tanging kailangan;

nitong puso kong bulag sa katotohanan.

bulag sa katutohanan ng iba kung turingan;

higit na yaong aking mga kaibigan;

anong magagawa hindi ko mapigilan;

sigaw ng puso kong labis na nagmamahal.

mahalin ka ng labis sadyang kamalian;

sa paningin ng iba'y isa ng katangahan;

o manhid na nga ba puso't isipan;

sabik sa pagmamahal mong biglang naparam.

bulag man ituring aking paninindigan;

pangako sa iyong aking binitawan;

dito sa puso ko ikaw lang inilaan;

pag-ibig kong ito...ikaw lang magpakailanman.