PAHINA

Hindi maiwasang sa isip ko kumitaw;
Ang isang kahapon sa aking balintataw;
Ang dating noon sa puso ko ay pumukaw;
Ngayon syang dahilan kung bakit namamanglaw.

Sadya ngang ganyan bawat yugto ng buhay;
di bawat pahina puro hinagpis at lumbay;
Sa agos ng buhay dapat ka ng masanay;
Upang di malunod,matuto kang makisakay.

Sa aking pagkainip ako'y naghalungkat;
natagpuan isang aklat luma na ang pabalat;
ako ay nag-isip..bahagyang binuklat;
Sa aking nasaksihan ako ay nagulat.

Pahinang natunghayan ng aking binasa;
kasiyahan ang nadama sa unang entrada;
Sa pahinang dinaanan sadyang kakaiba;
may disenyo ang letra kasama ang paanyaya.

Pahina'y mayroong engkantado't engkantanda;
tila ba wari mo'y nasa lugar ng Engkantasya;
At si Bb.FLORENCE CALICA,ang dito'y prinsesa;
PAHINA NG SAYA napapaligiran ng gwardya.

Sa paglagi sa pahina,dulot ay labis na tuwa;
mga agam-agam sa puso,naglahong parang bula;
Sa pahinang tulad nito lungkot mo mawawala;
Pahinang LOVER'S LANE katha ni MS.CALICA.

Dito nga sa pahina'y may paligsahang magaganap;
Kaarawan ni Ms.FLORENCE sa buong ere lumaganap;
Nang aking mabatid sa isip ko'y may kumislap;
Dito ipagpapatuloy naunsyami kong pangarap.

Sa paghabi ng tula di man ako kagalingan;
Sa abot ng isip ko aking papatunayan;
ngunit Bb.Florence minsan po'y pagpasensyahan;
Kung minsan po'y makulit at madaming katanungan.

Maraming salamat po isa sa inanyayahan;
dito sa pahina mo tumigil at makipagsabayan;
Dito sa pahina mo ipinaaabot;ipinararamdam;

Taos pusong pagbati sa araw ng iyong kapanganakan.