GANTIMPALA

Miss FLORENCE CALICA;taglay mo'y maamong mukha;
Iginagalang na Admin nitong iyong pahina;
...hinahangaan ng lahat sa'yong mga katha;
mga isinusulat mo may aral na mapapala.


yaring patimpalak ito'y napabalita;
nagkagulo mga makata bago man ito o luma;
Sa iyong kaarawan idinaan sa paghabi ng tula;
Ang mga pagbating may kalakip na gantimpala.

Sa laki ng halaga ako'y napatulala;
Pinilit kumatha kahit sadyang di pa hasa;
Sa nakalaang gantimpala malaki ang magagawa;
sa isang tulad kong di ikinahihiyang maging dukha.

Pano nga kaya mahuhuli iyong kiliti;
upang masilayan ngiti sa'yong labi;
at kung sakali man di ako ang mapili;
Mga katha ko po sana'y pagtuunan kahit konti.

Sadyang sa pagkatha ako ay nahirapan;
Impormasyong tungkol sa inyo walang nalalaman;
Tanging nakikita nakasulat sa'yong profile;
Na ika'y isang anak ng bayan ng BAUANG.

Sa gantimpalang nakalaan marami ang nagnanais;
Kung paghabi ng salita katha ko ay magmintis;
ang lahat nakasalalay sa panlasa ni Miss Florence;
Sa ating mga tulain tanging sya ang lilitis;

Di ikinakahiya aming kahirapan;
sa patimpalak na nangyari labis ang kasiyahan;
sa pagkatha ng tula aking pagsusumikapan;
aking maiipon halagang kinakailangan.

Sa paglalakbay ng isip ko ako ay may nadaanan;
paghinto sa kalye di ko mapigilan;
dahil sa daang ito iba sa karamihan;
ang pahinang LOVER'S LANE pinagkakaguluhan.

Sa aking pagtigil ako'y inanyayahan;
nitong si Admin COCO sentro ng kasayahan;
lahat ipinagdiriwang kanyang kaarawan;
Kahit dito ay puno na ako pa di'y nakipagsiksikan.

Pagbati sa'yo Miss Florence aking nais;
at aking masilayan ngiti mong matamis;
Di man makamit gantimpala mong hatid;
Taos pusong pagbati sa kaarawan mo'y naipabatid.