(Danilo C. Diaz)
I
Tanong ng puso mo kung sasagutin ko
masasaktan ako kahit di ko gusto,
Pag-ibig ko sayo sakaling nagbago
dahil sa tulad mo alangan na ako.
II
Di napipilitan sadyang kailangan
kita ay layuan kahit na luhaan,
Mayro'ng pagdaramdam sa aking paglisan
kita'y minamahal totoo at tunay.
III
Luha ko'y papatak palaging tatagas
tuloy sa pagkatas hanggang sa magwakas,
Sa aking pangarap lagi kang kayakap
minahal kang tapat kahit hindi dapat.
IV
Ako ay limutin muling sasabihin
huwag nang isipin wala nang ituring,
Ang ako'y hanapin huwag na gagawin
sa iba'y tumingin pag-ibig ibaling.
V
Iyong pagmamahal di malilimutan
sa akin ang buhay lahat nga ay ikaw,
Ang paghihiwalay parang kamatayan
ako ang humukay ngunit kailangan.
VI
Kung ako'y wala na wag nang isipin pa
mga ala-ala ay limutin mo na,
Sana'y lumigaya sa piling ng iba
paalam na sinta minahal din kita.
dcd/dodie
20Sept2011
(NAKILALA KO SI MR.DANILO DIAZ ..isa sa mga poet ng EMANILAPOETRY.
NAGSAGUTAN KAMI SA PARAANG PATULA...AT ITO ANG KINALABASAN.
SALAMAT KUYA DONDIE...!)
No comments:
Post a Comment