TANGING IKAW

Dulot mo'y walang hanggang ligaya;
mula pa nung tayo'y unang magkita;
di man bigkasin nababasa sa mata;
sinasabi ng puso mo"giliw ko mahal kita".

sana nga mahal puso ko'y ingatan;
ipangako mo sanang puso ko'y di sasaktan;
baka kung magkagayo'y di ko makayanan;
ang maging kasagutan ay si kamatayan.

sinabi mo sa akin ako lang ang iyong mahal;
na kung susukatin wala ng paglagyan;
kahit na nga dagat pa ang ating pagitan;
lahat ng pagsubok atin itong lalabanan.

tanging ikaw lang aking inaasam-asam;
tanging ikaw lamang sa buhay ko ang kailangan;
wala ng iibigin hanggang sa kailanman;
TANGING IKAW lamang hanggang kamatayan.