HUWAD

akala ko noon puso ko'y bato na;

sa lahat ng hirap na nakaya ko na mag-isa;

tumayo din ako bilang ama't ina;

sa awa ng DIOS lahat aking nakaya.

ngunit isang araw ika'y nagpumilit;

sa nananahimik kong puso ika'y nagsumiksik;

mga paghihirap ko'y iyong iwinaglit;

sa kasiyahan itinuring mong parang paslit.

lahat ng ito'y nawala sa isang iglap;

mga pangako mo'y puro pagpapangap;

sana di na nagtiwala sa puso mong huwad;

ang isang tulad mo'y tila sundalong duwag.

ngunit sa'yo wala akong hinanakit;

ganyan talaga ang pag-ibig may pasakit;

sadya ngang talaga kapalaran sakin malupit;

sa isang huwad na tulad mo ito ang sinapit.