MINAHAL KA NG TUNAY

Umibig na muli ay di ko inaasahan;

Nag-umpisa ang lahat sa isang biruan;

Di ko ninais mahulog sa'yo ng lubusan;

Nararamdaman ko sayo'y hindi na mapigilan.

Kaligayahang dulot mo hindi matutumbasan;

Pagkikita natin aking kinasasabikan;

Pangarap na makasama ka at sa'yo iparamdam;

Pag-ibig ko sayo;tunay magpakailanman.

Lahat ng 'yong pasakit aking titiisin;

Masasakit na salita aking tatanggapin;

Mapatunayan lamang tunay ang hangarin;

Sa buhay kong ito ikaw lang ang iibigin.

Kahit anong marinig sa aking mga kaibigan;

Limutin na kita bat di ko raw subukan;

Ang isang tulad mo di raw dapat iyakan;

Ibigin ka nga ba'y isang katangahan?

Sobrang sakit dinanas nuong ako'y iyong iwanan;

Puso mo'y biglang nagbago ng di alam ang dahilan;

Ako'y iyong sinisisi sabi mo'y may kasalanan;

gayong walang ginagawa,ikaw ba'y nagdadahilan?

Ano nga bang nagawa ko upang iyong pahirapan;

paghihirap ko sanay iyong nalalaman;

Hanggang kailan pag-ibig ko'y susubukan;

yaring pagluha ko hindi pa ba sapat yan?

Sa buhay kong ito wala ng minahal;

Pagkat ikaw lamang dito nakatanghal;

Nag-iibayong pag-ibig habang tumatagal;

Kahit nasasaktan ...ikaw lang aking mahal!

Di ipagpapalit sa anumang kayaman;

Ang makasama ka'y tanging kaligayahan;

Kahit magdanas pa labis na kahirapan;

Kung ikaw ang kapiling lahat makakayanan.

Tanging ikaw lamang aking hinihintay;

Pag-ibig ko sayong walang makakapantay;

Kahit umabot pang ako ay mamatay;

Ikaw lang ang iniibig,,,MINAHAL KO NG TUNAY!!!

PARA SA LALAKING MINAHAL KO NG TUTUO!!!